IZIVAKASHI SEZINGAVAKASHA E-CAPE VIDAL SEKUVULIWE
31 October 2023
Isikhuculiwe imiggwaqo esogwini oluseMpumalanga yepaki
Namuhla mhlaka-31 kuMfumfu 2023 iSimangaliso Wetland Park Authority simemezela ukuvulwa
kwendawo yokuvakasha eyaziwa ngokuthi yi-Cape Vidal esogwini oluseMpumalanga yepaki bude buduze
nedolobha laseSt Lucia. Lokhu kuza ngemuva kokuvalwa isikhashana kwale ndawo kanye nezinye
izingxenye zepaki ngenxa yomonakalo odalwe imvula enkulu ephinde yaphazamisa izingxenye eziningi
esifundazweni saKwaZulu Natali ikakhulukazi kumkhandlu waseMkhanyakude osogwini oluseNyakatho.
Umonakalo obe kwingqalasizinda efana nogesi kanye nezindlu zabavakashi uphoqe ubuholi
beSimangaliso ukuthi buvale okwesikhashana ezinye izingxenye zepaki ukuze kuzoqikelelwa ukuphepha.
Ugesi sewulungisiwe kanye nemfucuza ebigcwele emgwaqeni isusiwe, kusaqhutshekwa nokulungiswa
kokunye ukuze isimo sizobuyela kwesijwayelekile.
Umononakalo kwingqalasizinda eCape Vidal
iSimangaliso sithanda ukuqinisekisa kubavakashi kanye nomphakathi ukuthi sizosebenza ngokuzikhandla
ukuqikelela ukuthi ipaki likulungele ngayo yonke indlela ukwamukela abavakashi kulamaholidi. Okuningi
sekuqediwe ukulungiswa kwizingqalasizinda. Kuyaqhutshekwa nokubheka umthelela odalwe imvula
echwebeni laseSt Lucia kanye nasemlonyeni wechweba njengoba umlomo usavulekile namanje.
End
Statement issued by iSimangaliso Wetland Park Authority
Media enquires:
Mr. Bheki Manzini
Call/WhatsApp: 060 533 2082
Email: This email address is being protected from spambots. You need JavaScript enabled to view it.