Ukunyuka kwamanani entengo ekhokhwa egedeni kanye neyezimvumo zokwenza izinto ezahlukahlukene

iSimangaliso Wetland Park Authority sithanda ukwazisa umphakathi ngokunyuka kwentengo kwaminyaka yonke okuzoba kumanani entengo ekhokhwa egedeni kanye neyezimvumo zokwenza izinto ezahlukene ngaphakathi okuzoqala kusukela ngomhlaka-01 kuZibandlela 2022. Ngenxa yobhubhane lokhuvethe oluholele ekukhuleni kancane komnotho wethu kuleli nakwamanye amazwe omhlaba ikakhulukazi ngemuva kokuvinjwelwa ukuhambela amanye amazwe ngenxa yomvalelandlini wokhuvethe, iSimangaliso asikaze sikhuphule amanani entengo kusuka ngonyaka ka-2020 kuze kube imanje.

Njengoba ezokuvakasha zilulama ngemuva kwesimo esehlile isidingo sikhona sokukhiqiza imali engenayo, iSimangaliso sizonyusa intengo yokungena emagedeni ngamaphesenti alinganiselwa kusishagalombili (8%). Imali entsha ezokhokhwa abavakashi bakwamanye amazwe omhlaba nayo izokwethulwa kusuka ngomhlaka-01 kuZibandlela 2022. Ngokubheka isimo sezimakethe amanani emvume yokwenza izinto ezahlukahlukene ngaphakathi nawo azonyuswa kusukela ngomhlaka-01 kuZibandlela 2022.

IPaki lihlanganiswe ilezi ndawo okuyiMaphelane, Lake St Lucia, Cape Vidal, Eastern and Western Shores, False Bay, uMkhuze, Lake Sibaya, Sodwana Bay, The Coastal Forest Reserve, zonke lezi ndawo ezingenhla kwenziwa izinto ezinhlobonhlobo kuzo futhi ukungena egedeni kulawulwa iSimangaliso futhi sikhiqiza imali engenayo ngenxa yezinto ezenziwa khona. iSimangaliso Wetland Park sabhalwa yinhlangano eyaziwa ngokuthi i-UNESCO sahlonzwa njengendawo yokuqala eNingizimu Afrika elondoloza umlando namagugu omhlaba eyabekwa yinhlangano ngonyaka ka-1999 futhi njengendawo ebaluleke kakhulu evelele kwezamagugu.